劉炳章出事，有人問點解廉記唔請中聯辦、田少、唐唐同埋工聯會飲咖啡，呢四個人同機構都好似勸退過人唔選立法會，當中重涉及唔同利益，但淨係PC劉俾人周咗，要拉要鎖，非常不公平。噚日終於有行家問管選舉嘅胡官，究竟廉記係咪「只打蒼蠅，唔打老虎？」
胡官話，廉記好公道，肯定唔會唔敢打老虎，但啲人淨係「口噏噏冇用」，就算有人好認真去報案，但提供唔到足夠資料調查，報案都係唔成立，因為乜都要講證據。
好可惜港進聯、梁富華同蔣麗莉都冇選，好難出啲舉證，淨係得陳國強，工聯會點勸退都要出嚟選。既然廉記一定會打老虎，八方希望飛天朱、陳國強同蔣小姐都肯企出嚟，舉證有關單位同人士，同陳佐堅一樣咁猛料！
傳真︰2623-9278
電郵︰