噚日公布嘅政改報告再扑多普選一棍，睇怕功能組別將會成為香港嘅風土病，市民要預備長期忍受，惟今之計，民主派只有盡力搶功能嘅議席。
卿姐可謂率先坐言起行，立法會噚日辯論漁農業發展，佢唔單止提修訂，發言重得到在場業界鼓掌支持，睇怕下屆大有機會轉戰漁農界，幫民主派贏多一席功能組別。
個動議本來係由嚟自民建聯嘅漁農界代表黃容根提出，佢老哥發言期間，反而就冇業界鼓掌。卿姐重寸根哥話，個業界咁多人，但係根哥嘅選民得百幾友，擔心佢會遺漏咗某啲人，希望政府聽吓佢哋意見，幫幫漁民喎！
（圖）卿姐喺辯論漁農業發展時，得到在場業界鼓掌支持，夠晒巴閉。
傳真︰2623-9278
電郵︰