投資地產賺大錢買靚車
繆非臨收養毛玉萍愛犬慰寂寥

繆非臨近年投資上海房地產，因為眼光準繩，賺了數百萬元，為了獎勵自己，她早前特別買入一輛價值三十多萬元的LandRover。而沒有男友的非非為了解悶，一年多前更收養了好友毛玉萍的西施愛犬。

繆非臨早前與經理人文雋的合約終結後，如今已回復自由身，轉眼間已入行七年的她，明白藝人花無百日紅的道理，所以近年積極學習營商，數年前開始投資上海的房地產，近年已開始見成績，賺得數百萬元。非非日前還特別買了輛價值三十多萬元的四驅車LandRover，算是獎勵自己。
近年感情一直交白卷的非非，一年多前獲好友張東琳將其契姐毛玉萍飼養的西施狗轉贈給她，好讓她每天返家後能有個伴。

「寧願養個真BB」
非非很疼錫愛犬BB，她說：「我聽東東（張東琳）講，佢話BB係一隻好可愛嘅狗仔，加上毛小姐冇時間照顧，我咪試吓養佢，東東話我唔鍾意可以畀番佢，不過養落BB真係好乖，唯一缺點係佢會四圍屙尿，教極唔聽，最初都幾激氣，但有時都俾佢𠱁得好開心。」
非非又透露養狗後方知責任重大，她說：「我真係要呼籲大家唔好衝動，如果冇呢份愛心就咪搞，不過下次再養，我寧可養個真BB，起碼BB會長大，唔使成日照顧佢。」

與鄭秀文合拍新片
此外，問到非非在內地投資房地產的秘訣時，她說：「樓價都升得好快，依我睇暫時就唔會再買住，或者睇吓搞其他生意。」
非非又透露月底會到上海拍攝新片《長恨歌》，飾演女主角鄭秀文的好朋友。
採訪：比華利
攝影：何國豪
髮型：IvanLee（Headquaters）