唐英年前晚請咗湯家驊、馮華健同廖長城等三位大狀食飯。唐唐嗜好紅酒，當晚招呼貴賓嘅梗係好酒，幾位大狀三杯下肚愈講愈興高采烈，當中就法改會日前公布針對傳媒追訪名人嘅建議，湯家驊同廖長城針鋒相對，湯大狀認為現時建議唔可行，日後會損失新聞自由；廖大狀身為行會成員，自然有唔同睇法，但透露早知建議會引起好大反應，要推銷的確唔容易。湯大狀話既然咁棘手，不如擱置份建議書兩年先算。
一直笑笑口嘅唐唐表面上冇乜反應，但兩年後佢隨時係特首候選人，若然屆時再起爭議，佢會點應付呢？
（圖）湯家驊不愧為大狀，連行會成員都拗贏。
傳真︰2623-9278
電郵︰