老董最近頻頻見人，為佢嘅施政報告作最後衝刺，當然大家對佢老人家都唔會有乜大期望。不過，唔知點解，較早前竟然有人傳佢會有大動作，想臨尾做啲好嘢，於是大家就四圍去問係乜，重諗盡方法去阻止佢。
幸好佢嘅大智囊劉兆佳急急出嚟澄清兼放風，話老董一月發表嘅報告唔會有好多新政策，只會集中講點樣搞好經濟，增加就業，以期拉近貧富懸殊問題等等。
佳叔嘅強項係凡事都從好處看，唔好以為佢口齒唔夠伶俐就好蝦，佢乜都有得解畫，正式死都拗番生，所以老董不可一日冇教授。八方聽聞佳叔雖然原本同中大請咗三年假，最後可能會多做兩年，同老細共同進退，中大亦冇乜所謂，因為老董要用人，劉校長冇理由唔放。
至於理工嘅李明堃，本來亦想走人，後嚟喺老同學佳叔力挽之下，好似會喺中策組再坐一會。
（圖）老董（左）噚日會見安老及青年事務委員會嘅成員，圖為蔡元雲醫生（中）向他介紹陳振彬。
傳真︰2623-9278
電郵︰