戴夢夢、陳苑淇、鄧肇欣及張穎康等，昨日早上於九龍塘參加「第二屆仁濟慈善網球賽」，不少女歌手均以背心配襯短裙或短褲，其中染了一頭紅髮的戴夢夢更穿上螢光綠背心，十分搶眼，不過由於她穿上足球襪，襪長及膝，看來有點奇怪。
大部份參賽藝人的球技只是一般，可算有姿勢冇實際。經常用雙腳夾實球拍、挑染了紅髮的陳苑淇自言明年便會起程到外地進修，她說：「我到時會箍牙，但啲朋友笑我，話之後實有人話我俾人包。其實都算係㗎！有人包我來回機票同住宿，嗰個就係我爸爸啦！」
鄧肇欣幾次未能把網球打過網，不過她每次出錯便以笑容遮醜。鄧肇欣透露小時候也學過網球，可惜因疏於練習，未能提升球技，她說：「我喺荷蘭都跟爸爸學過，但係唔記得咗喇！頭先打波好好笑，我重以為自己打乒乓波，而我就比較鍾意踢足球，重係做守龍門嗰個。」
採訪、攝影：王連連
