烏克蘭嘅總統候選人尤先科俾人落二噁英毒，搞到好似毀咗容咁，一直好支持民主嘅朱耀明牧師好谷氣，忍唔住批評啲人竟然咁毒辣，日前就好嬲咁同班記者鬧呢單嘢！
其實落毒係國際間常用嘅乸渣招，CIA以前試過想毒死古巴嘅卡斯特羅，不過毒佢唔死。有行家就講笑，老董回歸前喺行政局，唔知係咪江握手之後，就俾班英國佬落藥，搞到𠵱家變咗老懵董，乜都慢半啪，變成為一個英國人留低嘅最強力炸彈！
另外，最近有報道講馬丁同卿姐地下情。朱牧師同佢哋一齊並肩爭民主咁多年，有記者問朱牧師，點睇呢單嘢呀？朱牧師笑晒口話：「牧師梗係唔講呢啲嘢啦！」朱牧師重揚言，如果呢啲咁嘅地下情，喺選舉嘅時候爆出，分分鐘排馬丁後面嘅樁腳黎志強都入埋立法會㖭！
傳真︰2623-9278
電郵︰