梁朝偉和舒淇前晚在中環拍攝電影《韓城攻略》，戲中二人偷了用作印銀紙的電版，遭人追截，偉仔一手拿着電版，另一手與數名大漢對打，但他竟表示對此片票房沒有信心。
電影《韓城攻略》前晚在中環IFC對出的天橋拍攝，劇情講述梁朝偉和舒淇偷了印銀紙的電版，被四、五名穿着西裝的大漢追打，偉仔一手拿着電版，一邊要飛身踢腿衝出重圍，舒淇則在旁叫喊：「你小心啲呀！好危險，你得一隻手同人打咋！」
由於拍攝地點近海，十分大風，不用埋位時，舒淇不時原地跳暖身，現場亦吸引了不少途人圍觀，更有阿叔誤將梁朝偉當作是周潤發，亦有人以為偉仔是鄭伊健。監製莊澄偕劉偉強前來探導演馬楚成班，而麥兆輝亦一早到場探班。
偉仔接受訪問時表示在港拍戲比在韓國舒服，又可以返家休息。前晚拍通宵的偉仔自言不擅長拍動作片，但他拍攝打鬥場面時卻似模似樣，他說：「其實我唔識打㗎，又冇時間練，惟有焗住硬橋硬馬打。」
監製莊澄曾表示希望《韓》片收三、四千萬票房，偉仔說：「我冇信心㗎，向來唔係好理呢啲嘢，亦唔擔心。」偉仔稍後還要補拍一場爆炸戲，他表示不擔心拍攝危險鏡頭。
問舒淇可擔心該片新年檔期和中國星的《喜馬拉亞星》對撼？她說：「希望觀眾兩部戲都鍾意，兩部都有人睇。」問她可覺得應該減片酬救巿？她說：「減片酬唔係最重要，亦唔係好方法，應該搞好基本嘢先，例如有好嘅劇本同好嘅導演，暫時冇人要求過我減片酬，出年我都傾緊戲，但未落實。」
莊澄表示明年可能再與馬楚成合作，對於《韓》片和《喜》片在新年檔期對撼，莊澄表示希望兩套都可以收三、四千萬，他說：「同向生（向華強）向太都係朋友，邊個win冇所謂。《天下無賊》賣埠已經有錢賺，我哋想將馮小剛推向世界，出年應該都有機會合作。」
採訪：馮美茵 攝影：陳慧安
