民主黨一班區議員出嚟聲討西九龍單一招標，大埔嘅區議員關永業批評，煲呔態度惡劣，佢老哥上星期落大埔巡區，重去埋區議會聽意見，關永業佢哋諗住遞請願信，但信都未遞，煲呔已經嚟手搶咗佢哋封信。到開會嘅時候，煲呔重公然喺度瞌眼瞓（梗係啦，又要做政改，又要做西九），一啲都唔尊重佢哋咁話。
不過民主黨啲區議員都好客氣，淨係打算提動議叫煲呔去解釋西九龍，未去到要一棍扑低成個計劃，都算係畀面啦！
煲呔今次推銷西九，都辣㷫咗唔少人，怪唔得噚日煲呔喺屋企開聖誕party，曾太都提佢，一定要接請願信同埋要見人聽意見，有妻如此賢德，煲呔真好命。
傳真︰2623-9278
電郵︰