一張相片，追查咗成個月，終於有答案。八方早前見到李嘉誠同李國章去北角向一位剛辭世嘅老人家王校源先生致意，覺得好特別，追查之下先知道呢位祖籍東莞嘅王老先生一生傳奇，真係典型嘅香港成功故事。
話說王老先生七十年前由廣州來港，佢家人形容佢努力求知，雖然十三歲已輟學，仍堅持學習，四十年嚟，每日工作十八小時，屋企不但請嚟英文老師、化學老師，重有實驗室同圖書室㖭。
老人家後來成為一個自我成才嘅企業家，而六個兒子，日東、日光、日燊、日橋、日祥以及日榮同埋五個孫都係醫生，十分低調。李國章話，其實王老先生係佢病人，佢話老先生為人好風趣，係佢嘅好朋友。至於王老先生兩個女佩玲同婉玲都各自有成，佩玲係誠哥長江基建嘅非執行董事，誠哥出現有原因。
（圖）李嘉誠（中）同李國章早前一齊向一位老人家致意。
傳真︰2623-9278
電郵︰