李永達接掌民主黨後，噚日嗱嗱臨同記者茶敍，講吓上任大計兼搞好傳媒關係。達仔好希望同中央溝通到，有行家問佢，會唔會打算喺任內，幫所有黨友攞番回鄉證？達仔唔係中旅社老闆，佢諗都唔使諗：「我又發唔到回鄉證！」
達仔秉承黨主席嘅一貫優良傳統，都係冇回鄉證返大陸。達仔話，佢對上一次申請回鄉證已經係八三年，八九年之後就已經冇返過去，九三年張證過咗期後，雖然都試過問吓可唔可以續，但答案係唔可以，所以都冇試過去申請。
講到點樣避免個黨爆桃色醜聞，達仔話，最好嘅避免方法，當然係叫啲黨員個個搵華叔做榜樣啦！講到好多黨員都欠黨費，佢笑說，搵追數公司追都係好建議。
（圖）達仔秉承民主黨主席嘅優良傳統——都係無回鄉證。
傳真︰2623-9278
電郵︰