日韓興啲乜：<br>韓國商場陣陣哀嚎Shopping撞鬼

日韓興啲乜：
韓國商場陣陣哀嚎Shopping撞鬼

去韓國漢城玩，無理由唔去明洞，明洞就如香港的旺角，周末街上例必水洩不通，最新興潮流玩意此中尋，今次筆者懷着「感受當地潮流文化」的心態踏出明洞地鐵站出口，耳邊卻突然傳來陣陣淒厲的驚叫聲和哀嚎，日光日白也不禁令人毛骨悚然，駐足觀看，發覺慘叫聲由一座名叫「Migliore」的商場發出……

記者：張銘恩攝影：陳陶鈞

鬼屋三大電影冤魂

直擊玩者撞鬼樣

《猛鬼街》Freddy舞動鬼爪，嚇得少男少女們縮埋一堆唔敢郁。

■無情情有瘋婦飄出，嚇得短裙美女大嗌。

■四周染血繃帶，耳邊響起鬼聲，小朋友即時逃走。

商場頂樓有惡鬼

「Migliore」商場猶如我們香港的旺角中心，專門售賣廉價年輕人潮流服飾，但商場頂樓居然有一間「HORRORWOOD」鬼屋，都算有噱頭。呢間鬼屋於今年暑假開設，規模頗大，模式與海洋公園每年萬聖節設計的鬼屋類近，入屋會有真人嚇鬼你，走畢成間鬼屋約需15分鐘，而場景、燈光方面等設計一點也不馬虎，所以開幕至今都仍好受韓人及旅客歡迎，更成不少情侶到明洞Shopping以外的一個娛樂節目。商場門口就是售票處，門口附近已有數個鬼五馬六的人在做宣傳，還有數部電視不停播放參加者被嚇的錄影帶，驚叫聲傳遍半條街，引得大批途人駐足觀看。

■售票處設在商場門口，買飛時《奪命狂呼》主角先劈你一刀，問你怕未？

■樂隊組合「東方神起」是貪玩年輕人，商場鬼屋咁有噱頭，當然有來湊熱鬧。

■門口有電視播放玩者被嚇錄影帶，呢位哥哥驚到木無表情，幾好笑！

現場直播「幸災樂禍」

人有高矮肥瘦，當然亦有膽大膽細，「HORRORWOOD」係咪咁得人驚就好見仁見智，不過有一樣嘢你必定會Enjoy，就係睇閉路電視欣賞其他玩者個撞鬼驚樣！筆者個人認為此乃全個節目高潮所在──玩完喘住氣進入休息房，發覺其他人似笑非笑望住你，點解？因為剛才你被嚇個衰樣已盡現人前！此時最啱加入世上最無良的「幸災樂禍」聯誼會，欣賞其他尚在鬼屋內被嚇到標眼淚的可憐蟲。