日本駐港總領事北村隆則噚日喺港島香格里拉酒店舉行酒會，慶祝日皇生日，雖然中國總理溫家寶都未肯去日本訪問，國家主席胡錦濤又鬼咁唔客氣當面叫日本首相小泉唔好再去靖國神社，但係城中一眾官商名流仍然好畀面出席酒會，包括馬時亨、林煥光、李少光、曾俊華以及朱培慶等等，至於剛獲日本勳銜嘅施祖祥亦有出現。
財政司司長唐英年喺祝酒致詞時話，自己啲仔女都好迷日本歌星，佢自己就鍾意日本動畫，至於日常生活，港人就更多用日本電器同電腦。咁三句不離本行，唐唐笑日圓最近升值，日本人嚟香港旅行，應該覺得香港cheaper，相反港人去日本，梗係貴晒啦。
噚日酒會舉行之時，剛好法庭判房委會勝訴，難怪唐唐同馬仔都春風滿面。
傳真︰2623-9278
電郵︰