兩間電力公司會就調整電費問題，聽日向立法會滙報，各方政黨都摩拳擦掌，睇嚟繼紅灣半島同領匯之後，立法會又有排拗。噚日兩間電力公司高層喺公開場合，都唔願意多講。
港燈主席麥理思就喊晒話煤價同運費喺過去兩年升咗一倍，而佢哋個發展基金已經用盡，冇法子幫補加電費嘅壓力。麥主席重話，作為負責任嘅公共事業機構，要平衡客戶同股東利益，但又要照顧弱勢社群。聽佢咁講，港燈應該加硬電費，問題係幅度會唔會好似之前傳話百分之七點五咁多。
中電方面，佢哋嘅常務董事阮蘇少湄亦唔肯講電費問題，但就放定風話明年電費回贈有困難，雖然中電有用核電，但難以喺短時間內增加供應。睇嚟真係冇計，市民今鋪真係肉隨砧板上。
程志遠攝
傳真︰2623-9278
電郵︰