前晚藝人之家舉行聖誕派對，出席的藝人大部份都是鄧萃雯邀請。雯女透露亦有邀請黎姿、佘詩曼和張可頤，但三人都有工作在身無暇出席，她還表示之前看了一本書《我變快樂了》，對她影響很大，故介紹給張可頤看。
藝人之家前晚在尖沙嘴馬可勃羅太子酒店舉行聖誕派對，出席的藝人有鄧萃雯、陳敏之、李樂詩、蘇玉華和陳鍵鋒，而幾乎所有藝人都是「如妃娘娘」鄧萃雯邀請出席，包括曾傳出與她爭鄭嘉穎的陳敏之，二人還友好地影合照。
陳敏之說：「啲新聞唔係真，我哋好好朋友，私底下我成日同佢傾心事，佢亦有教我拍劇睇多啲書揣摩角色，我當佢係良師益友，好欣賞佢。我未正式加入教會，兩年前阿爸過身前信咗教，之後我成家都信咗，但我同細佬都未正式入教會，我覺得藝人多是非，容易抑壓，有信仰人會豁達啲。」
雯女則表示亦有邀請黎姿、佘詩曼和張可頤，不過三人都沒時間，她說：「黎姿話盡量嚟，但最後要影相嚟唔到，張可頤唔喺香港，佘詩曼要做嘢，我同其他人拍戲拍得耐會愛佢哋，有上帝咁好嘅嘢當然要介紹畀佢哋。我之前睇咗本書叫《我變快樂了》，對我影響好大，我真係變快樂咗，我介紹咗畀張可頤睇。」
而蘇玉華和陳鍵鋒都表示是雯女叫他們出席，陳鍵鋒更謂自頸部受傷後，暫時沒有拍劇，但他接了王晶執導的新戲，老闆是曾志偉，現在正拍攝一部福音電影。
陳鍵鋒說：「我條頸一截歪咗，醫生話會記性差同瞌眼瞓，我𠵱家不停做物理治療同針灸，但套福音電影居然要我撞車，導演幫我搵咗替身，拍劇就要等過咗年。」
採訪：李珮洳 攝影：葉君海
