立法會選舉過後，總有候選人唔記得拆晒啲街板。「阿牛」曾健成今次都有幾塊街板唔記得掛咗喺邊，結果冇拆到，搞到要俾食環署罰錢。
阿牛好谷氣咁話，一塊街板要罰成七、八百蚊，重要分開三張單，寄畀佢條名單嘅三個候選人，佢以前拆漏街板，都係罰百幾二百蚊，今次收咁貴，都唔知食環署有冇濫收罰款喎。
食環署解釋，拆街板嘅罰則最近改咗唔係定額罰，而係視乎拆嗰塊街板要用幾多人力物力，如果掛得好遠、又掛到好難拆，咁就收貴啲，掛得近、又好易拆嘅，咁就收平啲囉！
咁樣收罰款嘅標準真係幾怪雞，怪唔得阿牛咁谷氣。
傳真︰2623-9278
電郵︰