楊千嬅、方力申、女子組合Cookies及女生宿舍等，前晚在中環添馬艦出席港台「萬人盆菜宴」活動，乘機品嘗美味的盆菜。
原來方力申及千嬅均是首次吃盆菜，方力申說：「我係北方人，好大個先試吃過廣東小食，我最鍾意係食盆菜裏面嘅腩肉。」而千嬅則笑言曾在拍戲時見過盆菜，她說：「嗰啲道具，下面係麵包，上面就鋪咗啲雞！我以前試過喺台灣拍綜藝節目，佢哋同我去夜巿食嘢，竟然安排我食野味，我事後先知道，嚇到嘔番啲嘢出嚟！」
此外，早前有雜誌指女生宿舍在廣州蒲吧𠝹仔，對此成員Toby否認說：「嗰次係我哋做完嘢，一班朋友去咗嗰間新開嘅吧飲嘢，話有人問我攞電話號碼，其實係內地個同事拎本掌上電腦記低啲嘢咋，我成日有緋聞，好彩爸爸媽媽都好信我。」另一方面，Cookies成員Miki及Theresa稍後會拍攝無綫靈異單元劇，Theresa說：「我會着得好性感去墳場，到時會帶定護身符。」
採訪：魯萍 攝影：陳偉權
