噚日舉行嘅「香港經濟峰會2005」論壇，為本年度壓軸論壇，講者粒粒皆星，包括財政司司長唐英年、港交所主席李業廣、金管局總裁任志剛、明天更好基金執委會主席陳啟宗、中原主席施永青等等。當中又以陳啟宗同施永青講得最為精采。
陳啟宗話𠵱家民主派大講財富分配，跟以往港人追求創造財富完全唔同，將香港搞到成「全中國最共產嘅地方」，話咁樣香港經濟死梗！不過施永青即時反駁，佢話商家只係識向英國政府同北京叩頭，無好好培養啲人做政治代理人，竟然冇法保護到自己嘅利益，鄭經翰都搵到兩個老人家出嚟啦，如果商界肯擲幾億出嚟，相信「連黎智英都可以買得起」！
黎智英係咪買得起真係唔知，但陳啟宗就回應話商人到處都叩頭，不過佢自己就唔多識北京啲領導人。
又話商人唔使咁樣保護自己利益，大不了可以到其他地方投資。又係呢招，施永青想點醒佢哋都真係嘥咗啖氣。
傳真︰2623-9278
電郵︰