白鴿黨前晚開慶祝建黨十周年，喺晚宴結束前，新任主席李永達親自下台，將一張類似證書嘅獎狀送俾民主黨嘅黨鞭司徒華，上面寫住「民主先鋒、勤政愛民」，以表揚華叔過去近二十年出任立法會議員嘅辛勤工作。
叫華叔做「民主先鋒」，佢老人家梗係當之冇愧，佢由八五年開始當立法機關議員，一直堅持到今年，先至主動不再參選立會，「知所進退，乃近道矣」，華叔當然最知進退，所以佢係接過達仔嘅獎狀時強調，佢唔係完全退下。
咁又係，華叔重有參加中央委員嘅選舉，而且以二百三十二票，僅次於羅致光同楊森，高票當選；重有佢仍然係支聯會主席，所以講唔上乜嘢退休或者白鴿黨與支聯會分家，真係姿態清楚，立場明確，唔怪得有人話有華叔喺度，乜嘢派都唔使旨意將民主黨嘅江山輕易送畀他人。
（圖）華叔攞住張獎狀，笑逐顏開。
傳真︰2623-9278
電郵︰