立法會早前決定，明年四月開始每個星期三嘅大會，都會提早三個半鐘開始，皆因議員多數係長氣袋，一開口講嘢就好難停，搞到次次開會都開到三更半夜。八方最近同有關人士傾開，佢哋話提早開會冇用，因為𠵱家其實只係傾吓口頭質詢、議員動議都已經搞成咁，到遲啲政府提埋法案上立法會，提早開會都唔掂。
佢舉例話，今日係行政會議今年最後一次開會，應該會討論政改四號報告書，如果負責政改嘅政務司司長曾蔭權順手揀今個星期三向立法會報告埋份報告書，班議員無論邊個黨派，都少不免要企起身發言，拗吓○七、○八係咪應該有普選。到明年五號報告書出埋主流方案重大鑊，都唔使諗○六年要進行特首選舉立法程序時嘅情形，就算提早到朝早六點，分分鐘都要傾通宵。
傳真︰2623-9278
電郵︰