唐唐噚日親自拜訪工聯會傾預算案，人哋去到你度坐，都要斟番杯茶，工聯會就好有心咁醒咗杯好苦嘅廿四味畀唐唐，似乎想提醒佢大少，嚟緊預算案記得要派糖，唔好畀啲苦茶市民飲。
唐唐話出年嘅預算案比今年重難寫，之前因為經濟環境惡劣，所以市民冇乜期望，但今年情況睇落幾好，賣兩幅地都有百幾億，市民就有好多期望，所以真係好難搞。
工聯會代表提咗好多要求，唐唐都冇乜點答應，淨係話會同工會、企業研究吓棠哥鄭耀棠提嘅「再就業支援計劃」，相信有助拉住啲失業市民，唔好畀佢哋墮入綜援網，因為跌咗落去好難爬番出嚟。唐唐又承諾會諗吓將啲政府臨時工變番做長工，希望幫到工人啦！
（圖）工聯會以廿四味招呼唐唐，班會眾就叫唐唐預算案記住派蜜糖菊花茶。 曾顯華攝
傳真︰2623-9278
電郵︰