名模周汶錡和陳沛嘉昨日在深灣，推介價值超過一百萬的平治新車。陳沛嘉曾被拍得與馬清偉同遊上海，對於馬清偉與薛芷倫正式離婚，陳沛嘉表示最緊要薛芷倫開心。
名車平治推出全新CLS-Class跑車系列，昨日在深灣遊艇會展出價值一百一十五萬的CLS500，由名模周汶錡和陳沛嘉以Celine晚裝映襯。
陳沛嘉表示揀男友必須揸benz，她更說：「揀男友要好似四門平治咁，穩重、細心又照顧埋屋企人。」陳沛嘉曾與馬清偉遊上海，現時薛芷倫（Fanny）與馬清偉正式離婚，她即說：「我唔知點答喎，因為我同佢唔多識，不過換個角度睇，最緊要Fanny覺得開心。」
周汶錡則穿上deepV晚裝裙，性感地在車上擺出多個甫士，她透露甚少做carshow，她說：「我年頭都準備換車，都會買歐洲車，因為實淨啲，今次嘅平治都好正，四門又有跑車內櫳，可惜係左軚。」
周汶錡早前成為台灣微風廣場代言人，她表示酬勞不俗說：「今個月正式出海報，今次影咗一大堆相，有成十幾輯，佢哋話會一個月換一輯相，好似月曆女郎咁。」
問周汶錡如何成功取代林志玲出任代言人？她說：「唔好講取代啦，代言人嘅嘢都係成日換。」周汶錡今年出書、做旅遊特輯，問她可有意仿效林志玲任司儀，她說：「我冇諗過，做司儀口才好重要，我怕有壓力，亦冇咁嘅信心。」
採訪、攝影：HoWingLing
