一班歌手在達明一派尾場演唱會上，錄影片段大談誰對香港的樂壇有貢獻，張栢芝選了父親鬍鬚勇，而鄭希怡（Yumiko）則說是英皇娛樂老闆楊受成，引來觀眾連串笑聲。而栢芝與楊受成擦身而過都沒打招呼。
達明一派前晚在紅館舉行尾場演唱會，吸引不少圈中人捧場，包括張栢芝及胞弟張豪龍、英皇娛樂老闆楊受成、鄭希怡、梁詠琪、陳潔靈、許志安和緋聞女友Winnie、梁榮忠及女友鍾麗淇和黃耀明的外籍男性好友等，組合at17則任演出嘉賓。
現場播出一班歌手開騷前錄影的片段，大談誰對香港的樂壇有貢獻，張栢芝說：「我覺得係我老竇，如果唔係佢生咗我，娛樂圈邊有咁多新聞。」
栢芝看騷時十分投入，不時吹哨子和揮動螢光棒，看得興奮時更站起身和唱。栢芝年前曾公開用粗口罵過楊受成，前晚她跟楊受成擦身而過時，只望了對方一眼，但卻沒有打招呼。
而Yumiko在談到誰對香港樂壇有貢獻時，則說：「呢個問題好認真嘅，我Yumiko覺得係我老闆楊受成。」全場觀眾聽後報以哄堂大笑。
英皇高層霍汶希事後說：「Yumiko錄影嘅片段俾人剪咗一句，佢其實係想講，如果冇佢（楊受成）就冇達明呢個騷。」那Yumiko可有為此向楊受成道歉？Mani說：「楊生冇嬲，佢話Yumiko儍儍哋。」
而黃耀明前晚談到黃霑離世，他說：「希望佢喺另一國度，生活得更開心，其實香港嘅作曲同填詞人影響我好深，香港有咁美好嘅廣東音樂，希望大家不時幫佢刷新。我亦好欣賞黎小田，都想演繹佢嘅作品。」前晚達明演唱會唱至凌晨十二時才完場，被罰款三萬元。
此外，達明大前晚的演唱會邀請了女子組合Twins擔任表演嘉賓，而鄭伊健亦有往捧場。
採訪：李珮洳 攝影：仇志德
