我們比麥兜幸運，不是被麥太天天迫食火雞，只是每逢聖誕佳節，滿心期待淺嘗火雞的美味。今年火雞賣點特別多，不獨有原隻或切片吃，新推介還混有魚翅做沙律。覺得混了魚翅雞肉還是不大爽口？試試用春雞煮成的火燄雞，中西混合煮法，滿身火燄立正上枱，是真真正正的「火」雞！
記者：戴維浩
攝影：陳智良
Fusion着火春雞清秀肉嫩
「老實講，火雞肉質認真麻麻！春雞就唔同……」，「新界食力紅樹林」一向經營無國界美食，大廚偉哥想到用本地新鮮春雞做材料，依足焗火雞方法釀醃料，來個中式煮法。
800g春雞肉嫩鮮味，挖空拆骨，釀了高纖米、米飯、南瓜、薑葱，全隻烤熟，淋滾油使之脆皮，「企直」上台時還是熱呼呼。最後淋上紅酒，點火，春雞渾身火燄，形象出位，撲鼻酒香，型呀！入口皮肉燙口甘脆，啖食餡料還有一股葱油雞香，過癮！要試這美食不用等到聖誕，因為它由今天起已經開始供應。
新界食力紅樹林（24700273）
地址：元朗水車館街榮興閣90號地下及閣樓
營業時間：11:00am-12:00pm
座位：130個
交通：西鐵元朗站B出口
烤熟西式火雞靠拮針
Lan'sSteak大廚Danny入廚十八載，吃足火雞十八年，試過聖誕時與文華酒店廚房內眾兄弟合作炮製逾百火雞，經驗老到。說起烤火雞，師傅教落，把生熟醃料、栗子、香草往火雞肚裏釀，然後才焗，「傳統做法塞住火雞PatPat，成肚醃料，火雞好難烤熟。」所以美國人發明了一個神奇探熱針，「雞身徹底融雪，搽好鹽，釀晒醃料，封口……就一針拮落個PatPat度，再入焗爐！」雞肉內部達90℃，針會自雞身彈出，就可以出爐了。
原隻外賣要預早訂
「一隻美國50年老牌子Butterball5kg重火雞，用180℃火力焗個半小時，半生熟下，靠本身餘熱烤熟，一啲都唔老！」說時遲，那時快，師傅已經把火雞切片送上，蘸了紅梅汁，濃香酸味，肉多嫩滑！若果你今年會搞聖誕派對，想跟親朋一嘗撕原隻火雞的豪食樂趣，不妨早一星期預訂外賣。
Lan'sSteakRestaurant&Bar
電話：25261212
地址：中環安蘭街4至6號安皇大廈地下及１樓
營業時間：星期一至六：12:00nn-12:00mn
座位：60個
交通：地鐵中環站D2出口
備註：12月20-23日及25-26晚設有3至4道菜聖誕套餐，售$368-$428。
創新沙律魚翅搭火雞
「火雞除咗切片食，重可以有其他新意！」出名木熏菜的Ironwood今年就推出了一個火雞魚翅沙律。大廚Billy說：「加咗彈牙魚翅，煙埋火雞肉，配上火燄汁，唔會辣到跳舞，但會醒胃爽口到飛起！」每份沙律都有100g日本翅，相當足料！
IronwoodCafe
電話：25709933
地址：天后琉璃街13號地下
營業時間：星期一至日：12:00mn-11:00pm
座位：55個
交通：地鐵天后站A1出口
平食火雞聖誕餐
又是火雞釀栗子，連皮切片做主菜，雖是大路，但勝在經濟。Anytime的聖誕套餐收$168，二百元樓下可享受充滿節日氣氛的4道菜，算是抵食；加上餐廳位於百德新街，飽餐之後，可繼續到附近戲院、卡啦OK、商場再作餘興，非常就腳。
無休館Anytime（21483388）
地址：銅鑼灣百德新街22-36號翡翠明珠廣場1樓5號店
營業時間：星期一至五：11:30am-12:00mn；星期六、日及公眾假期：11:00am-12:00mn。
交通：地鐵銅鑼灣站E出口
座位：144個
