香港有唔少動物福利機構，呢啲機構裏面嘅人，唔單止每日都要服侍啲貓貓狗狗，重要對住好多好多人；動物比較單純，只有聽話同唔聽話嘅分別，人就複雜得多。好似愛護動物協會執行總監戴寶蓮咁，幾百隻貓狗佢都搞得掂，但係偏偏搞唔掂協會裏面嘅人。
愛護動物協會最近出現內部鬥爭，戴寶蓮十月開始放病假，一直冇返工；協會嘅獸醫總監亦都喺同一時期換咗人。有一位資深會員同八方呻，一個咁講愛心嘅機構，居然咁冇人情味，真係可惜。本來一間機構嘅人事角力，八方都冇乜興趣知道，但係愛護動物協會每年向公眾籌募唔少捐款，政府亦有資助，單係漁農自然護理署今年就撥咗九十萬，八方希望嗰啲無無謂謂嘅勾心鬥角唔好拖垮機構嘅正常運作。
傳真︰2623-9278
電郵︰