夏韶聲昨日到新城接受訪問，談到原本有份演出《歡樂滿東華》，但因等候時間太久而拂袖離去一事。
夏韶聲說：「起初我都覺得冇乜嘢，後嚟曾志偉問我唱幾多點，佢幫我睇rundown，之後佢同我講：『有冇搞錯，要你等咁耐。』我諗諗吓又係喎，咪執嘢走囉，之後監製走出嚟追我，但嗰時我覺得唱都冇意思啦。」
夏韶聲又說：「我覺得係有人唔想孭鑊，所以一早叫晒啲歌手喺度等，逐個捉入去唱歌，人哋會等但我唔會囉。」問他怕不怕得罪無綫？他說：「我好少得罪人，而且佢哋係一間公司。」此外，上周六晚播映的《東華》平均收視為二十四點，即一百五十八萬觀眾收看，比起上周同時段多了六萬六千觀眾。
採訪、攝影：胡比