雷林靜怡暫別Ball場去生仔

雷林靜怡暫別Ball場去生仔

九巴後人雷兆光林靜怡夫婦、何超瓊和馬清揚夫婦等前晚到君悅酒店,出席瑞士珠寶品牌deGRISOGONO晚宴。雷林靜怡懷有九個多月身孕,她說:「呢晚係我生BB之前,最後一晚出街,重有兩個禮拜就生,我會自然分娩,最快都會喺農曆新年先會見大家,呢個BB係我最好嘅聖誕禮物。」

何超瓊被傳染
而戴上deGRISOGONO腕表及珠寶捧場的何超瓊,表示病了一個星期,她說:「因為個個朋友都有流感,所以病咗。」問為何缺席好友劉嘉玲生日派對時,她說:「病咗咪冇去,已經送咗禮物。」對於前夫許晉亨於嘉玲生日派對抽中禮物,她說:「聽講人人都抽中。」
採訪:KellyCheck
攝影:JerryYan

模特兒身穿皮草示範粉紅鑽黑色魔鬼魚皮choker及手鐲,是品牌代表作。

何超瓊(左)打扮高貴豔麗,與胞妹何超蕸盛裝赴會。