佐治古尼（GeorgeClooney）同畢彼特（BradPitt）等主演嘅大製作《盜海豪情12瞞徒》上周五喺全美三千二百九十間戲院公映，結果以一千四百三十五萬美元（約一億一千一百萬港元）嘅理想票房成為單日票房冠軍，而上周三開畫嘅《幽靈刺客３》收五百四十五萬美元（約四千二百萬港元）排第二位，三周冠軍《驚天奪寶》位列第三位。