「呢個係一個好大嘅經歷，唔止幫到人，重幫到我做人。」參與無國界醫生的一年間，四出到落後國家為愛滋病病人提供治療的經歷，教三十四歲的彭偉強「開竅」，對自己了解更多，對工作的態度及生命的看法也轉變不少。
「我以前好惡，好臭脾氣，覺得好多嘢都唔啱，但係我改變唔到。」原本在公立醫院當內科醫生的彭偉強不諱言，有時候病人會帶着「醫療是必然」的態度來求醫，並提出一些無理要求。長時間面對這種情況，令他本來那一股當醫生的熱誠和衝勁都被磨滅了，更促使他盡量疏離病人，「當知道呢個世界有啲人連必利痛（意即止痛藥）都冇，我真係好想退一步睇呢個世界。」
因此，彭偉強把心一橫，向醫院申請了一年無薪假期，開始這個影響其性格的醫療旅程。他坦言，去年十月到南非開普敦行醫初期，為與自己不同膚色的愛滋病病人檢查時，的確感到有點恐懼；後來再回到祖國湖北襄樊市治療病人後，卻令他「上癮」，期待繼續幹着這種有意義的事情。
他憶述在湖北行醫期間，親眼目睹一個患了愛滋病的八歲孱弱小男孩，在接受治療後的一個月即增加了三公斤體重，叫他欣慰非常。另一個無親無故的二十多歲的年輕愛滋病患，每日見到醫護人員到來才展露出笑容，也深深印在彭偉強的腦海中，「病人好appreciate（欣賞）你做嘅嘢，呢種開心係形容唔到。」
旅程已完結，但箇中的體會卻歷久常新，「我覺得世界好大，做醫生可以唔係只喺一個框框裏面。我以前淨係諗自己，𠵱家我開始留意周圍發生嘅事，留心多啲身邊嘅人，聽多啲。其實聽病人講多一、兩分鐘，可能對治療有幫助，或者可以係心靈上嘅治療。」
本報記者
逢周一刊出