又到聖誕！又到聖誕！聖誕氣氛愈來愈濃厚，買咗棵聖誕樹返屋企「應節」，梗係要悉心幫佢打扮吓。由樹頂嘅擺設、樹身嘅吊飾同燈光點綴，都可以好考究。今日就為大家搜羅了一些新款嘅聖誕樹「裝身」飾物，慢慢幫棵樹扮靚靚！
記者：梁彩燕
攝影：蔡鴻雯、伍慶泉、黃子偉、陳盛臣
Model：Candy（StarAsia）
掛樹飾物花款多
聖誕樹吊飾琳琅滿目，心心、星星、月亮、雪人、雪靴等，花款可以多到眼都花。傳統的吊飾多數灑滿金粉及銀粉，新款的吊飾則選用不同的質料，如鐵線、藤、絨布、棉料以至羽毛都有。
獨特大金球吊飾
直徑有20cm的吊飾，同樣適用於大型聖誕樹上。樹葉邊是軟身的鐵絲，樹葉則選用金色紗布，微微彎曲的葉形設計，造型獨特美觀。
售價：$198（g）
高貴金絲樹環
由金色鐵絲網綑住水晶膠的聖誕樹掛飾，全長約180cm，較重身，最適合圍住大型的聖誕樹。另外亦備有銀色鐵絲選擇，掛在樹上份外高貴。
售價：138（b）
罕見圓形松果
傳統的松果形狀尖尖，呢個直徑有成10cm的圓形松果，髹上了紫紅色外衣同灑上金粉，輕身得來又夠特別，市面上較為少見。
售價：$10（f）
Cute爆：軟綿綿雪人
肥嘟嘟雪人有成18cm高，加埋高高的立體木鼻子，絨布質料軟綿綿，頭頂聖誕帽上更有一個小噹噹，甜甜的笑容實在Cute到爆，聖誕樹上一定要有一個！
售價：$28（a）
Kitty過聖誕
呢個高10cm的別致聖誕吊飾，最能討Kitty迷歡心。不妨將聖誕樹掛滿Kitty，自製一棵鋪滿吉蒂貓的聖誕樹，一定好壯觀。
售價：$29.9（h）
浪漫羽毛波波
直徑8cm的透明膠波內，放入了藍色羽毛作點綴，視覺效果特別。此吊飾較輕身，羽毛在內飄飄吓夠晒浪漫，另外重有粉紅色、白色同黑色羽毛選擇，各有不同效果。
售價：$42（b）
經典掛飾
呢款可算是較傳統的聖誕樹掛飾，白雪雪的假雪花和紅蝴蝶結夠晒搶眼，是較受人歡迎的環樹掛飾之一。
售價：$28（c）
傳統小靴
金色小靴上放滿松果和各式聖誕小飾物，體積只有24×14cm，細細隻又鋪滿金粉，建議買多啲掛滿聖誕樹，就更加靚絕。
售價：$15.9（c）
藤製大月亮
用藤條製造的月亮形聖誕樹掛飾，表面髹上金粉漆油份外搶眼。雖然它的高度有成25cm，但極之輕身，掛在大型聖誕樹上非常適合。
售價：$10（f）
樹頂裝飾最緊要搶
大家可能會掛住為聖誕樹裝身扮靚，但樹頂裝飾其實亦是靈魂之一！唔同顏色、唔同形狀及質料做成的樹頂裝飾，分別可以用於不同Size的聖誕樹上，買聖誕樹頂裝飾都要對號入座至得！
紅星最醒
呢個Westman紅色星星TreeTopper，高同闊均為25cm，螺旋形的插位設計，將之插在聖誕樹上會更加穩固。紅色透明紗布撞金色小星星，夠晒醒神，中至大型聖誕樹適用。
售價：$45（g）
高䠷葫蘆
蝴蝶結或星星形狀的樹頂裝飾就見得多，設計成葫蘆形狀的玻璃樹頂裝飾卻較為少見。35cm的高䠷身材，加上外層焗上紅色漆料，夠晒搶眼，大型聖誕樹適用。
售價：$39（f）
銀星啱中型聖誕樹
銀色閃星星高27cm、闊23cm，適合用於中型聖誕樹的頂部。五角星的圍邊均用堅固鐵線做成，中間則是透明薄紗配襯各種造型的鐵線，放在樹頂上閃閃發光。
售價：$45（c）
經濟之選：金光燦爛
若家中添置了小型聖誕樹，呢款20cm高，由金絲組成的星星形狀樹頂裝飾就最適合，全個沒有太多花款，但勝在金光燦爛。
售價：$10（d）
聖誕圖案別有氣氛
立體蝴蝶結約有30cm闊，兩條尾巴則各有1米長，絲帶的圍邊都圍上了金絲線，絲帶上印有各式聖誕圖案，特別有聖誕氣氛，適合大型聖誕樹。
售價：$49（e）
3款絲帶組合
Westman30cm闊蝴蝶結，分別以金邊絲帶、通花絲帶及鋪滿金粉的絲帶組合而成，可營造出特別的立體效果，令大型聖誕樹更奪目。
售價：$49（g）
閃亮燈串添生氣
就算唔想為聖誕樹「豪裝」，只要為其掛上一串串嘅閃亮燈飾，就有畫龍點睛之效。市面上有專為室內而設的燈飾、有些則適合戶內或戶外使用，款式有閃有唔閃，重有色彩奪目嘅彩燈，絕對令屋企生色不少。
有聲有色：聖誕音樂輪流播
多功能聖誕音樂燈串，室內專用。有100個燈泡，可隨意調校音量和速度，亦有多種閃燈形式，同時會輪流播出多首聖誕音樂。
售價：$109（e）
室內室外皆宜
有25個燈泡的C7幻彩燈串，低電壓及低熱力設計，戶內戶外皆適用。可隨意選擇燈泡是否閃動，夠晒靈活。
售價：$69（e）
6種閃法任你揀
180個燈頭的幻彩燈泡，專門於室內使用。有6種閃動的方式可供選擇，變化多端，最啱鍾意成日保持新鮮感的人。
售價：$120（f）
200頭走馬燈
呢款有200個燈泡的燈串，是以走馬燈形式閃動，可以團團轉圍住棵聖誕樹閃動，效果明顯又突出。
售價：$120（f）
奪目彩色燈泡
唔鍾意燈泡不停閃閃吓？可以選擇呢款不會閃動的燈串，共有100個彩色燈泡，同樣可以達到閃亮奪目的效果。
售價：$55（f）
小型樹適用
屋企買咗細細棵的聖誕樹，又想加啲燈光效果，呢款20個燈泡頭的燈串最啱用，只需兩粒2A電芯即可。
售價：$10（d）
售賣點
（a） city'super 25062888 銅鑼灣時代廣場B1地庫
（b） Francfranc 34273366 銅鑼灣恒隆中心2樓
（c） 西田百貨 26941111 沙田新城市廣場3期2樓
（d） 吉之島10元廣場 25612198 北角英皇道416-426號新都城大廈地庫
（e） 吉之島百貨 28846888 鰂魚涌康山道2號康怡廣場南
（f） 生意滔 34223101 旺角洗衣街127號C地舖
（g） LCX 31023668 尖沙嘴海港城海運大廈3樓
（h）SanrioVivitix 31051299 九龍塘又一城2樓L2-17號舖