八方早前寫過非常堂皇嘅新警政大樓，啲𨋢有啲問題。據聞至今問題仍未完全解決，除咗不時「跳樓」之外，重久不久就困吓人，好似有一日連一哥都中招，真係英雄無用武之地。究竟係軟件有問題還是硬件唔掂，最好喺保養期內查清楚。
講起呢座大樓，用咗好多錢興建，不過有位議員就同八方講，話一哥冇邀請佢哋去參觀。咁一哥又似乎唔夠客氣，第日再要申請撥款，班議員無咁順攤咪弊。不過，就算真係請班尊貴去坐吓，小心啲𨋢，最好喺樓下請佢哋飲杯茶就算，咪困住佢哋唔返得去開會，好大罪㗎。
傳真︰2623-9278
電郵︰