聖誕新年除了跟情人睇燈飾外，跟家人逛工展會當然都是指定項目。經驗所得，逛這類大展銷，人逼人的地方通常非大減價就是有筍嘢派。當然冇執輸要趁熱鬧逼埋一份！現就從幾個廣場挑選逼人舖位等大家作參考，有得買有得食重有得玩，大人細路都啱Feel。
記者：陳慧敏
攝影：陳盛臣
Models：Bianca、Daniel、Johnny、Karie、Stephen（StarAsia）
工展會會場分成香港名牌廣場、環球名牌廣場、時尚名牌廣場、中國名牌廣場、國際麵食廊、生活及家居廣場、美食廣場及繽紛大道八個主題，展出攤位超過670個共276個展商，唔睇定啲真係行到腳痛，跟隨人潮實有着數。
工展會會場分成香港名牌廣場、環球名牌廣場、時尚名牌廣場、中國名牌廣場、國際麵食廊、生活及家居廣場、美食廣場及繽紛大道八個主題，展出攤位超過670個共276個展商，唔睇定啲真係行到腳痛，跟隨人潮實有着數。
香港名牌廣場
香港名牌廣場係每年最搶鏡的地帶，近80家本地老字號跟新企業，玩嘅食嘅着嘅樣樣齊，而且為奪攤位設計比賽名銜，攤位設計誇張又搶眼，親切得來滿載新鮮感。
逼爆攤位一 3折起買功能風褸
天氣開始凍，各大褸品牌尚未減價，但EIKOWADA已經特價發售，折扣價甚至比荔枝角特賣場4-6折還要抵，入貨係時候。
EIKOWADA（3C01及02號）
抵買風褸
紅色90/10純鵝毛羽絨，高溫消毒無異味，外層防風跣水透氣，0至-20℃都可穿着，原價$2,190，《蘋果》讀者價$1,752；紫色風褸，跣水防風透氣，抓毛內裡，原價$998，特價$299。
逼爆攤位二 新口味雪糕
入口旁的Apollo年年都大把人幫襯，花果乳酪之外，新口味有玫瑰混士多啤梨，花味濃郁；還有用餅皮包裹的粟米雪條及啖啖紫米的紫米露雪條！
Apollo（1C01-06）
逼爆攤位三 姆明谷60周年頭炮精品
05年姆明谷60周年，今年先推出頭炮精品，可愛CD及DVD，連精美圖案白卡一張，可燒錄好相片或音樂後，當作聖誕卡送給親友。
NaxSarTechnology（3C35）
中國名牌廣場
中國各地上佳好貨，景德鎮瓷器、上海城隍廟等最啱識貨之人。
逼爆攤位四 天然薯片又食又拎
這裏大堆迷你裝薯片蝦片任攞，國內大熱，來自菲律賓的Oishi薯片質感較厚，薯仔味濃，備有原味、芥末及番茄味可選。購物滿$40可參加小遊戲，答中問題就有禮物。
Oishi（6A39-47）
生活及家居廣場
這裏共有攤位129個，展銷中藥、保健用品、輕工產品及電器等。很多商店還提供免費健康小測驗呢！
逼爆攤位五 $200足部檢查免費做
呢個攤位有免費足部壓力測試、足部測試儀、立體掃描及動態測試，加上專家分析（平時總計都要$200！），讓你了解你的足部問題之外，還可訂做矯形鞋墊或拖鞋。
足科矯形有限公司（5C7-9）
逼爆攤位六 香港製造生科活靈芝
剛啱正式推出，由香港中文大學的附屬機構，香港生物科技研究院研究，且直接在港生產的靈芝濃縮精華，經低溫加氣壓提取靈芝精華。工展會內購買還可以獲贈美容中心美容療程如活氧氣水療彈、摵指掌、SlimLight6.9或蜂皇漿丸一瓶。
生科活靈芝（5C15）
美食廣場
工展會留肚試食乃逛公展會鐵則。行到攰就血戰美食廣場42個美食攤位，除了各國點心食品及農業產品外，許多大飯店更趁此推出特價招牌貨或者新產品一試市場，如新款蛋撻、炒蘿蔔糕等茶樓嘢都有得歎，且款多價錢平，似足食自助餐。
逼爆攤位七 即包蟹粉小籠包
開幕首日已大排長龍的鴻星海鮮酒家在此開檔賣小炒，除了避風塘炒蟹外，其蟹粉小籠包最受歡迎，師傅即包即蒸，原價$18隻現售$10隻，等10-15分鐘都抵啦！
鴻星海鮮酒家（6C40及42）
逼爆攤位八 重量級雜錦串燒
重量級雜錦串燒有粟米、青椒、紅腸同雞肉，有沙嗲汁、日式饅魚及泰式雞醬汁三款，$20一串。
彩龍美食屋（6C09-10）
玩遊戲攞禮品
很多商舖都借玩小遊戲方式大送禮品，逗得小朋友開開心心之餘，豉油、零食、玩具、日用品均任你搬回家。
逼爆攤位九 衞生署明派紀念品
衞生署推廣健康飲食及運動，只要你看完展板資料後，將適當的生果、罐頭放入餸籃即可過關。現場阿爸阿媽爭住唔畀阿女玩的比率較高。另外還有與主題相關的電腦遊戲，無論答對答錯都有小小神秘紀念品，明派禮物！
衞生署攤位（4C05-08）
遊客又點睇？
張先生：「太大，未行晒，但今年商品款式種類好似多咗，最好係個位置（維園），好過02年喺天馬艦，交通唔方便又冇購物Feel。」
工展掠影估估吓
每年工展會都有攤位設計比賽，除了有像「金至尊」的「天馬行宮」大建設，搞怪公仔也是搶鏡主力，大家估吓係乜嘢嚟！（答案在本頁底部）
第三十九屆工展會
日期：2004年12月11日至2005年1月3日
時間：星期一至日11:00am-10:00pm（12月24及31日11:00am-1:00am；1月3日11:00am-7:00pm）
地點：銅鑼灣維多利亞公園
入場費：$10（身高1米以下小童、65歲以上長者及傷殘人士免費入場）
查詢：34212012
網址：www.hkbpe.com.hk
答案
A：菊花牌乳膠漆的細菌怪獸
B：年輕化、季季換新裝的雞仔嘜招牌公仔
C：名古屋小廚師（但其腳下麵包似乎更吸引。）
D：保心安代言公仔（腳下矮台吸引了大批行到攰的小朋友回氣，意想不到的人氣爆燈！）
E：菲律賓來港的天然薯片新貴「上好佳」代言雞（受歡迎原因除了大手筆零食任搶外，在於個個小朋友都會想打開佢個含蓄小嘴，「裝」吓入面有冇人。）