賭王何鴻燊與四姨太梁安琪昨日出席沙田馬場香港國際賽，為他們的馬匹「閃電」打氣，結果只跑第四。四姨太笑言每次總叫了不少朋友投注，但此馬每次都跑第四，坦言失望。反觀寇鴻萍梁廷鏘夫婦的馬匹「機關槍」，昨日則奪第一名。
賭王何鴻燊及四姨太梁安琪昨日出席沙田馬場國際賽，其名下的馬匹「閃電」在第四場賽事出賽，身穿Chanel套裝的四姨太，更與賭王到沙圈打氣，但結果「閃電」只跑第四。
四姨太對此說：「自己梗係有信心，所以都有落注，總會叫人一齊買位置，本來轉圈都幾好，如果跑少幾米，咪有機會，真係激死，佢次次都跑第四，不過自己都有計劃買多一隻馬。」問賭王有否安慰四姨太時，他則笑說：「使乜𠱁！」
另一邊廂，寇鴻萍梁廷鏘夫婦的「機關槍」，在第二場賽事跑第一，寇鴻萍說：「隻馬出咗五次賽，已經贏咗三次，今次有四十幾萬，之前冇諗住佢會贏，因為呢排次次都跑第尾。」寇鴻萍還謂每次入馬場都會穿紅衣為馬匹打氣，她說：「今次着咗棗紅皮褸，屋企啲紅色衫都差唔多着過晒。今次可能係一個好兆頭，嚟緊聖誕我哋會喺深圳開L16泰國餐廳。」
此外，郭富城昨日以香港賽馬會活力暨慈善大使身份出現馬場，頒發「最佳外觀馬匹獎」，他還特別打了條馬鞍圖案的領帶。城城表示最近忙於拍攝廣告工作，他說：「呢一年真係拍咗好多廣告，嚟緊會拍一個牙膏廣告，同埋為內地服裝做代言人。不過自己都係最想拍汽車廣告，因為我受過賽車專業訓練。」記者笑問他會否考慮拍安全套廣告時，他則表現得十分驚慌說：「唔會，都同我冇乜關係。」
採訪、攝影：JessicaNgan
