香港同泛珠三角搞嘅九加二合作，搞搞吓，連傳媒都合作。香港電台同廣東省電視台合作，以「資源分享、編輯獨立」為合作基礎，共同製作一套共八集、以泛珠三角經濟圈為題材嘅紀錄片《新三角演義》，今晚喺亞視本港台同港台自己嗰網首播。
為咗隆重其事，廣東省人民政府新聞辦公室主任李守進，重特登嚟香港，同工商及科技局局長曾俊華、廣播處長朱培慶等主持啟播儀式。朱處長話，除咗呢套《新三角演義》，遲啲重會有套《百年留學》，講本世紀初華人到海外留學嘅歷史。上述兩個題目尚算吸引，但如果想有高收視，八方認為，可以拍番套「西九六國大封相」又或者「1210紅灣事變」，咁就一定好多人睇。
（圖）李守進主任（右三）同曾俊華（左三）、朱培慶（左二）等，主持啟播儀式。
傳真︰2623-9278
電郵︰