自由黨主席田北俊轉為直選議員，首個地區辦事處噚日開張，自由黨員個個富貴，田少同兩名議員方剛同林健鋒開呢個辦事處使費都唔少，每月要交租萬二蚊，另外預算用四萬蚊請職員同做營運開支。田少話希望多啲市民幫襯，否則花咁多錢開辦事處好唔抵。
噚日有多個高官畀面到場，煲呔曾、馬時亨、葉澍堃、林瑞麟都有現身。而煲呔搞掂儀式後極速閃人，記者追問公開西九財務資料時，佢僅「哈、哈、哈！」三笑回應。
（圖）田少（右三）聯同兩名黨員方剛（左）、林健鋒（右）開辦事處，煲呔（右二）到場主禮，齊齊切燒豬。陳亮華攝
傳真︰2623-9278
電郵︰