養車重皮，但係每逢假日驅車遠離繁囂，去一啲偏遠地方享受寧靜，嗰一刻又真係倍感幸福！嚟緊又到聖誕、新年長假期，唔想迫爆地鐵沿線消費熱點，可以考慮租番架車遠走高飛，遊吓車河、燒吓嘢食，既唔使諗節目、唔使迫車又唔使花幾百蚊食Buffet咁悶。而且，最重要係唔使養又有得玩，還咗車就冇手尾跟嘛！
記者：馬慶武 攝影：周旭文 Model：Johnny、Katie
車款勁多
甲蟲車好玩有型
大昌行租車易勝在車款選擇多，除咗有本田、日產、福士等品牌嘅房車、七人車外，連深受年輕車迷歡迎嘅福士新甲蟲、本田Jazz、日產March都有得租。租客更可選擇喺不同服務中心攞車，九龍灣總部重設有24小時攞車及支援服務，就算漏夜架車跪低咗，都可以即時安排替代車輛補上，實在超級體貼。另外大昌行更接受新牌兼未滿25歲人士租車，絕對是年輕車迷佳音。
大昌行租車易
地址：九龍灣啟祥道20號2樓
電話：27682277
營業時間：星期一至五900:am-5:30pm星期六900:am-1:pm星期日及公眾假期休息（24小時取車服務）
網址：www.dchml.com.hk
大昌行精選車款：福士Beetle
經典再造嘅新甲蟲賣相出眾，就算已經推出市面一段時間，揸出街依然高收視。租車價貴Civil一倍，但相信對貪玩貪型嘅年輕車迷嚟講，一樣咁值得。
本田Stepwagon
8人車容量梗係夠大，難得係Stepwagon外形吸引，唔似一般7、8人車個樣咁沉實，感覺較年輕，後生仔成班Friend出街玩都咁襯。
日產March
超級Cutie嘅車仔，車身細易睇位，就算新牌泊街位都唔會太難。同類型選擇重有本田Jazz。
大昌行精選車款租車價格
聖誕租車優惠價錢平過閒日
豐田租車部嘅聖誕優惠期由12月20日開始至明年1月7日，喺呢段期間租車滿一星期可享有優惠價，而且豐田嘅租車按金一向比較平，極抵玩。以最平最大路嘅Corolla1.5為例，一星期租車費$2,300，比平日嘅租價重平咗$200，另再畀$4,000按金即可攞車。除番開每日只係畀三百幾蚊，今個聖誕假期就可以做有車階級喇。
豐田租車部
地址：北角屈臣道2-8號海景大廈B及C座地下
電話：28801515
營業時間：星期一至六9:00am-6:00pm，星期日及公眾假期休息
網址：www.crown-motors.com
豐田精選車款：豐田Camry
較Corolla大型豪華嘅Camry3.0，好力又斯文，但較適合商務用途。
豐田7座Picnic
2.0中型MPV，最啱一家大細聖誕同遊，車內空間闊落，就算帶齊大量物品去郊外BBQ都冇問題。
凌志RX300
豪華SUV凌志RX300嘅最新版本，外形靚仔夠份量，而且力量澎湃，能應付較崎嶇起伏嘅山路。
豐田精選車款租車價格
豐田租車程序：
熱門花、凹部份：
車頭冚及玻璃最食風，亦最容易喺行車時被石仔彈花。
租車貼士
＊基本上租客年齡需滿25歲及擁有兩年或以上牌齡，若其中一項未符合要求，皆需要付更多按金先可以租車。如果兩項條件皆未付合，便只有大昌行接受租車，而且租客更要付高達$30,000按金。
＊最好先打電話Book定車款及用車日期，如果想Walk-in即租即攞車，車款選擇會較少。
＊不幸被抄牌，如只被抄車牌（即違例泊車），則可於還車時連罰款單及罰款交予車行代交罰款；如被抄車牌連人牌，車行收到控告信後會翻查紀錄，再找違例司機處理。
＊豐田擁有70架短期出租車、而大昌行則有160架，雖然數目唔少，但每逢大時大節，預約額好快就爆滿，兩間車行現已接受預約，想聖誕有車玩就要快手喇。
＊租車時一定要先付租車按金，租車按金其實係該汽車保險嘅所謂墊底費，因應車主牌齡、年齡及所租車款由$4,000-$30,000不等，建議以信用卡付按金，因不會即時過數，簽帳單待原車歸還時便會銷毀，較為方便。
＊若不幸遇上內部機件故障，應立刻致電車行查詢及要求支援，盡量避免自行處理。
＊車行會入滿油先交車畀租客，租客還車時亦要入番滿油，汽油用車只需入普通無鉛汽油。如果唔記得，車行亦可代客入油，不過要收取服務費。
＊絕大部份出租車都會包括音響，可以帶定CD、MD播吓歌仔。