樂隊Beyond至今已組成二十年，黃貫中、黃家強及葉世榮三子在下月二十七至三十一日舉行一連五場的「BEYONDTheStoryLive2005」演唱會後便各自獨立發展，短期內不會再以Beyond名義合作。
今次個唱，Beyond會破天荒搞花臣，三子會上將以十五分鐘極速「蛻變」，向觀眾展示二十年來的多個經典造型，三子說：「以前我哋開演唱會換嘅衫唔太多，今次因為主題講story，有古仔嘅，所以會有以前初出道着短褲長襪嘅打扮、《阿拉伯跳舞女郎》造型、周身鐵鏈啦、剪短晒頭髮着埋一模一樣衫嘅《秘密警察》啦。
「重會請以前嘅樂隊做嘉賓，希望搵到太極、浮世繪、Radias、BlueJeans、Anodize、LMF、PingPung。我哋又會預先呼籲啲人喺演唱會挑戰我哋，最好成隊band衝上嚟，鍾意彈乜就彈乜，上嚟jam嘢。」
問Beyond會否考慮穿Tback露肉？Paul即鬼馬笑道：「為露而露，唔會囉。九一年嗰陣時，家駒已經除晒衫跑出嚟啦，好即興㗎，搖滾音樂本來就好free㗎啦。」