昨日有報道指張衞健與張茜五年情玩完，報道並指健仔因不滿女友經常催婚，令他感到壓力，故已遷出與女友同居的上水愛巢，但昨日本報聯絡上在廣西拍攝劇集《歡樂桑田》的張茜，她卻否認分手傳聞。
張茜透過長途電話說：「無啦啦做乜寫呢啲嘢呀？我唔明喎。」問張茜現與健仔感情如何？她說：「冇乜問題呀。」再問她是否常向男友催婚？張茜沒好氣的說：「我冇呀！結婚嘅嘢係大家都有諗過啫，係咪冇嘢好寫呀，答嚟答去都係呢啲問題，一陣間寫呢個，一陣間又傳嗰個，都冇事！總之我今日好開心，因為今日套劇煞科。」
不過，有知情人士稱健仔及張茜因長期聚少離多，二人近期確踏入感情冷靜期。
採訪：朱倬誼