張曼玉（Maggie）出任代言人或拍廣告，酬勞動輒以百萬元計，但她早前免費為經常佩戴的葫蘆首飾所屬品牌「Qeelin」拍攝廣告，更罕有地只穿上黑色胸圍、低腰牛仔褲，掛上價值十萬元的「康城版」白金鑽石葫蘆，性感又冷豔。此廣告會於本周在國際金融中心開幕的Qeelin新店內掛出。
「葫蘆之父」陳瑞麟昨日透露廣告原由「玩玩吓」開始，他說：「其實嗰日Maggie係幫雜誌影封面相，影完晒，攝影師夏永康提議話不如影幾張新相玩吓，Maggie二話不說就除咗件面衫，淨係着個bra示範。之後佢畀相我睇時話：『影得好有美感，好靚。』我提議用嚟做廣告，佢分文不收就話『yes』，促成咗成件事。」陳瑞麟最後挑選了曼玉背向鏡頭的露背黑白「影後」照為廣告相，保持一絲神秘感及想像空間。他又透露張曼玉男友Guillaume以往義務任顧問，兩、三個月前已正式加入公司，成為Qeelin的行政總裁，專門負責歐洲巿場。
採訪：林妙萍
圖片提供：Qeelin