跟房祖名傳緋聞的官恩娜，屢次在公開場合被房祖名拒絕合照，前晚她出席廣州一頒獎禮時，不但堅決地表示以後不會跟對方合照，更寸祖名作為男性應該大方一點。
由廣州電台舉辦的「2004金曲金榜頒獎演唱會」前晚在廣州舉行，古巨基和梁詠琪（GiGi）分別獲「最受歡迎男、女歌手」獎，而未能出席的容祖兒則一人奪得五個獎項，成為整個頒獎禮的大贏家。
前晚官恩娜亦有份出席頒獎禮，提到她與房祖名的緋聞，日後難免跟對方碰面，官恩娜說：「用平常心面對，我唔想大家焦點放喺緋聞度。」
那麼，二人將來碰面會否避忌一點？官恩娜語氣肯定說：「會！之前只係諗住大方合照，但男方唔肯，一次又一次，搞到好大件事，所以以後都唔會合照，就算對方肯合照，我都要考慮。」
官恩娜續說：「第一次同朋友睇騷啫（指跟房祖名一起看演唱會），唔知點解搞成咁，唔係我介意，但男仔應該大方啲，影張相之嘛，又唔係要攬攬錫錫。」
另一邊廂，房祖名昨日出席港台維園活動，他表示稍後要拍爾冬陞新片，屆時可能要改變髮型。對於官恩娜揚言不再跟他合照，以及寸他身為男性應大方一點，祖名透過唱片公司回應說：「一切都係按公司指示去做。」
至於前晚的頒獎禮，有兩名女fans衝入後台又攬又錫基仔，令基仔尷尬得面紅耳赤。問有份出席頒獎禮的薛凱琪可曾試過像基仔般被人博懵時，她說：「試過有醉酒佬叫我影相，因為我着住件露背衫，係咁被佢摸背脊。」
至於GiGi則目睹有歌迷想衝上前，但被公安即時抽起，然後丟落地，GiGi為歌迷抱不平說：「嗰陣我攞住個獎，見到都唔知點算好，公安咁做太過份！」
採訪、攝影：胡比、李珮洳
