鄧萃雯為港台主持《性在有心》節目，昨日她到尖沙嘴出席活動，與嘉賓Cookies和吳浩康等分享性知識。雯女表示小時候就讀女校，曾一度懷疑自己的性取向，她說：「我細個讀女校，好少接觸男性，所以有啲女仔對我好，我都有鍾意佢，懷疑過自己係咪同性戀。」
對於商台由倪震和谷祖琳主持的《絕情谷》同樣以談性為主題，雯女說：「我冇聽過呢個節目，但聽人評論過佢哋鍾意譁眾取寵。藝人講嘢要小心啲，以身作則。」
此外，Cookies的成員Miki則較大膽，不時發問，她說：「我有偷過爹哋嘅鹹書睇，有朋友以前怕醜唔敢買驗孕棒，我都幫佢買。」而吳浩康則說：「以前唔知女仔同男仔分別，後尾知道女仔冇『菇菇』，試過見到Uncle嘅女，就一腳踢埋佢度，點知原來佢都好痛。」
採訪、攝影：王連連