太空人楊利偉前日開始搖身一變做咗中大校友，佢聽聞好多同學仔都想做太空人，噚日就向一班大、中學生傳授「升空」秘訣，佢話做太空人身高同體重都有限制，重要有八百小時飛行經驗。明年神舟六號升空，會有兩名航天員升空做科學實驗，之後就會請新一批太空人，重會請女仔㖭；至於神舟七號就會喺○七、○八年升空。
楊利偉同學生哥講，明年迪士尼主題公園開幕，可以玩吓過山車，感受吓離心力，聽到班學生鬼咁開心，但有幾位女生就覺得好失望，因為佢哋身高都無一米六五，肯定做太空人無望。
（圖）楊利偉話做太空人要接受八、九克（重力）嘅訓練，坐過山車都只係得二、三克，真辛苦。
傳真︰2623-9278
電郵︰