本報日前報道末期肝癌病者黃樹貴病危，其妻黃太無力負擔照顧他的額外開支，獲蘋果日報慈善基金撥款協助。豈料事隔短短數天，黃太致電本報表示，阿貴已於本月三日病逝，終年三十九歲。
「佢過身前一日突然間精神咗，可以講到嘢同食到嘢，我都覺得好出奇，唔知係唔係迴光返照。三號嗰日，醫生重打算同佢做化療，但佢情況差得好快，夜晚就唔喺度，不過佢都等到兩個女趕去醫院見佢最後一面。」三十三歲的黃太哽咽着說。
黃太表示，雖然丈夫病重，惟她並沒料到丈夫只能撐得數天，如今突然要她肩負照顧兩名五歲及九歲女兒的責任，令她感到十分彷徨。
「真係好無助，冇辦法接受呢個事實，以後都唔知點打算。細女呢幾日有問起爸爸，話好掛住佢，問佢幾時返，我聽到好心痛。」黃太說。
阿貴一家四口依靠綜援金過活，他於一個多月前才發現患上末期肝癌，病情急轉直下，需留院接受治療，黃太每天往返醫院的車費不菲，加上尿片等開支，經濟雪上加霜，蘋果基金曾撥款五千元給她應急。如今阿貴病逝，黃太將可獲社會福利署發放大約一萬元殮葬津貼以辦理亡夫的身後事。
捐款編號：C1573
暖流熱線
電話：29908688
傳真：23702192
電郵：
網址：