一代鬼才黃霑魂歸天主，最新一期《公教報》都刊登咗幾篇悼念佢嘅文章，撰文幾位都係黃霑嘅喇沙師弟，文章披露咗一啲黃霑學生時代嘅往事，證明呢位鬼才確係得天獨厚。 話說當年喇沙書院為咗鼓勵學生努力讀書，只要中期試考到三甲，就可以免考年終試，而黃霑當年由小五至中三都係唔使考年終試就升班；除此之外，黃霑音樂天份係人都知，但原來佢當年亦係一名一百公尺短跑同一百公尺跨欄健將，喺一次班際比賽，黃霑重曾經跑贏過有喇沙飛人外號嘅同學，可以話係文武雙全。 傳真︰2623-9278 電郵︰[email protected]