陳寶珠、何韻詩和鄭伊健昨日出席一個香港血癌基金舉辦的籌款活動，阿詩更即場以三萬八千元買了一棵聖誕樹。
本月尾是梅艷芳的死忌，梅媽將於二十九日舉行悼念會，阿詩說：「冇人通知我，但我上網見好多歌迷喺三十號有紀念活動，廿九號我有兩個工作，未知道點。」阿詩昨日再遇寶珠姐時大感高興，她說：「之前跟住梅姐時見過佢一次，後來佢知我打點梅姐嘅嘢要出入靈堂，就送粒玉畀我護身，好感動。」
至於伊健明年便會為無綫拍劇，故把長髮剪短，他說：「我係做飛行服務隊，咪要剪囉！遲啲開始訓練，兼且拍時會入機場禁區，極之開心。我重諗住之後可能去學揸直升機。」另外，寶珠姐落實會在明年再度表演高志森的舞台劇《劍雪浮生》。
採訪、攝影：王連連