無綫的《歡樂滿東華》慈善節目昨日總綵排，大會司儀肥姐沈殿霞因不見另外兩位司儀好姨薛家燕和李浩林現身，當眾大發雷霆說：「有乜理由佢哋唔使排㗎！第一次做（指李浩林）都唔排，我同曾志偉年年都做，咁係咪唔使排？大家一齊出去搵外快都得啦。」
原來好姨因要拍攝劇集《皆大歡喜》及為《東華》卡拉之星環節錄影，根本沒時間綵排；而監製賴偉棠則指李浩林因要工作未能出席綵排。
記者將監製的解釋轉告肥姐後，她仍語帶不滿地說：「我明白家燕因為拍劇嚟唔到，但李浩林第一次做《東華》，唔綵排真係有問題。《東華》係大騷，點可以唔排？」問肥姐會否將這番話當面告訴李浩林？她卻決絕地說：「唔會，我唔知佢經理人係邊個，做經理人都要食腦㗎，都要知道乜嘢係正乜嘢係副，身為公司嘅合約藝員，梗係做公司嘢最大啦，你睇吓𠵱家似乜嘢樣，以前邊個敢唔返嚟排㗎？我諗呢樣嘢真係要反映吓。」
採訪：戴彩煥