鄧萃雯昨日穿上晚裝示範百萬美鑽，她為怕走光，堅持不除皮草拍照，又頻手掩心口，結果被同場演出的本地名模樂基兒、AnaR.等搶去不少風頭。
寶石店LarryJewelry昨日請來鄧萃雯為於中環舉行的「DTCForevermark印記鑽石聖誕系列」鑽飾展，擔任特別嘉賓，鄧萃雯穿上橙紅晚裝外加皮草示範一套價值一百六十多萬的鑽石首飾。
鄧萃雯表示大會曾贊助她佩戴鑽飾出席台慶，昨日她除了有滿意酬金外，更獲贈一條價值二萬三千元的螺旋形鑽石吊墜。不過昨日鄧萃雯非常錫身，堅拒除皮草，又不時用手掩住心口，相對同場行騷、穿大V領裙的名模AnaR.，身材出眾的樂基兒及一眾以透視裝示人的外籍模特兒大為失色，鄧萃雯說：「因為好多女仔着呢啲裙走光，所以要小心啲，我唔想將美事變走光事，今日騷鑽石又唔係騷身材。」
鄧萃雯隨即大談鑽石經說：「我唔識揀鑽石，不過鍾意自己買畀自己，揀鑽石都冇乜心得，淨係要又閃、又靚。希望我嘅演藝事業都好似鑽石咁閃。」
鄧萃雯又表示最近經常收到大量「無價寶」，她說：「我冇情人，不過好多人話我演技好，係最真心嘅禮物，絕對係無價寶。」
而邱楊寶春媳婦邱李茂琪則表示近期為家傭大為勞氣，她表示已解僱其中一人，她說：「好嚇人！之前見到佢將成樽魚子醬放晒入白粥度食，真係嚇死我。有一個我都準備炒，因為佢個個星期都打爛嘢、整爛衫，真係唔得！」
採訪：IngridChan
攝影：MatthewLam
