Rosemary昨日穿上超性感bratop行catwalk成為焦點，反觀同場的徐子淇就穿得密密實實，子淇表示因掛念男友，即使學業愈來愈忙，仍返港度假，寧願帶功課回來做，癡纏之情，可見一斑。
徐子淇、Rosemary、鄧肇欣、向展平及其女友Rene昨日出席在旺角朗豪坊「Catalog新概念開幕禮」，眾嘉賓穿上潮流服飾行catwalk，其中Rosemary穿上由Puma鞋改製而成的頭飾及超性感bratop，成為全場焦點，反觀徐子淇的衣着就密實得多。
前晚才由英國返港的子淇，表示由於想念家人及男友李家誠而回港度聖誕，她說：「掛住屋企人同男友，又唔想咁孤單一個人喺嗰邊過聖誕，不過以後放假都唔會接咁多工作，因為𠵱家功課愈來愈多，我今次都帶埋三份功課返嚟做。」
問子淇是否男友不批准性感，才穿得如此密實，她說：「係媽咪唔畀，唔係男友，不過我諗每個男友都唔會希望女朋友着得咁性感畀人睇。Rosemary着嘅嗰件衫，我一來冇身材着，二來身邊嘅人唔贊成，通常媽咪會睇過啲衫性唔性感，試過以前有內衣公司出到七位數字搵我影相，媽咪都推咗，好彩嗰時冇影，如果唔係𠵱家實後悔。」子淇更透露在英國被同性戀同學狂追。
穿上性感bratop的Rosemary昨日大讚設計師的設計概念，她說：「着嚟做show都可以接受，雖然係用鞋做，不過質料都好柔軟。」
採訪、攝影：卓美娟
