鄭希怡（Yumiko）日前到銅鑼灣選購聖誕禮物，一輪細心揀選後，她揀中一個價值三百八十元的笑臉瓷碟送給老闆楊受成，寓意3T要為老闆賺個盤滿缽滿。
鄭希怡日前抽空到銅鑼灣西武百貨選購聖誕禮物，結果她約花費一千七百元。
Yumiko在百貨公司內經過近一小時的精心挑選，終於揀中一個價值三百八十元、印有三張卡通趣怪笑臉的瓷碟送贈老闆楊受成。
Yumiko說：「呢個盆就係我哋3T送畀佢（指老闆）嘅，等佢賺到盤滿缽滿。」其後她又揀了一個價值一百一十八元的波妹水杯給劉思惠（Maggie），又揀了一個價值一百二十元的米奇老鼠○五年座枱月曆給蔣雅文（Mandy）。Yumiko說：「送水杯畀Maggie係希望佢好似個水杯個公仔咁好身材，送米奇月曆畀Mandy因為佢鍾意MickeyMouse囉。」
Yumiko甫看見三隻小馬騮壓着一頭大馬騮的公仔時，馬上嚷着要把這個約一千元的一拖三公仔送給經理人霍汶希（Mani），Yumiko說：「因為我哋三個成日畀鑊佢孭，不過我哋會好似公仔咁愈嚟愈細，愈嚟愈輕。」
回顧過去一年成績，Yumiko說：「今年因為健康有大問題（曾接受割鼻瘜肉手術），公司幫我推咗好多工作，等我專心休息，所以今年至出得一張唱片，但唔緊要，○五年我一定會有變化，大個啦，要轉吓形象。」
採訪：朱倬誼
攝影：羅德光
