向海嵐即將在無綫新劇《胭脂水粉》中扮演奸角，並獲在劇集《金枝慾孽》中扮演奸到出汁的如妃鄧萃雯提點，演奸角要維肖維妙，必須利用眼神。
向海嵐將會接拍無綫新劇《胭脂水粉》，繼劇集《無頭東宮》後再扮演奸角。向海嵐表示演奸角除了考演技外，還很容易令觀眾留下深刻印象。
問向海嵐可擔心演奸角會惹觀眾討厭？她日前說：「我覺得𠵱家嘅觀眾好明白事理，佢哋都知係演戲，做奸角的確可以令觀眾留下深刻印象，作為一個專業演員，演忠演奸都要多方面嘗試。」
向海嵐最初拍攝節目巡禮時，是夥拍在《金枝慾孽》中演如妃的鄧萃雯，但最近有消息指黎姿會取代鄧萃雯的位置，向海嵐說：「同邊個合作都咁開心，我之前同雯女拍節目巡禮，佢教我演奸角一定要眼神都識做戲，我亦都好明白自己平時講嘢嘅語氣好柔弱，所以講對白嘅語氣會盡量講得硬淨啲。之前拍《鳳舞香羅》時同黎姿合作過，相信呢次再碰頭會重有默契，我哋又可以趁空檔交流吓扮靚心得。」
向海嵐今年聖誕前要到海外宣傳，但亦可趕及回港跟男友共度佳節，問她買甚麼禮物給男友和家人？她說：「送乜嘢都係秘密，唔想咁早公開，不過我一定會買啲實用嘅嘢畀爸爸媽媽。」
採訪：比華利
攝影：仇志德
鑽飾：MADIA
髮型：MattChiu（Headquarters）
